بين المسموح وال مش مسموح للشاعر محمد حسين

Mohammed Hussain 11 مارس 2016 | 8:55 م غير مصنف 955

بين المسموح وال مش مسموح
انا بنسى عنيكي يوماتي واروح
والمحها
تاخدني معاها واروح
دايما لبعيد
و القصه تملي لا فيها جديد
ولا فيها وضوح
كل مااقرب منك اكتر
ببعد اكتر
وبخاف اكتر لعيوني تبوح
انا قلبي ماعادشي يكفي غرام
ولاقد ملام
ولا حمل جروح
ولا ناوي العمر يضيع مني
في رجوع وغياب
في عنيكي طريق مش بوصل فيه
وفي آخره سراب
باب قلبك ياما احترت انا فيه
والباب لاهو مقفول ولا مفتوح
وحكاوي عنيكي بتسحرني
بتحيرني
و زي ماتبتدي زي مابتروح

ومابين الممنوع والممكن
شيء مش ممكن
لا انا مني وصلت ف مشوارك
ولا مني ارتحت
وعنيكي تاخدني في حكايتها
والقاني ف آخر سكتها
لا انا جيت ولا رحت
انا خايف من حبك جايز
محتار انا عايز مش عايز
انا خايف من حبك جدا
بس ماصدقت
انا مدمن حيرتي ف نظراتك
وبتوه في كلامك وسكاتك
انا جوا عيونك مابحسش
لا مكان ولا وقت
انا عايز اقضي العمر الجاي
كله ف دلوقت
.