ليله صيف

sara shalby 01 ديسمبر 2015 | 11:56 م شعر, شعر عامي 760

كات ليلة باردة بس صيف….
والبرد كان سببه اشتياق…
كان الحنين معانا ضيف…
ودموع تفكرنى بفراق…..

كانت مشاعر متسلطه…
عشان تفكرنى بحبيب…
شايفاه وعينى مغمضه…
وبرغم بعده كان قريب…

رغم اتفاقنا ع الفراق…
من شوقنا كنا قلقانين…
نفذنا نص الاتفاق…
وبقينا اصحاب مقربين…

وفى نفس لحظة شوقى ليه..
لقيته بيا بيتصل…
وكأن روحى ندهت عليه..
ماهو مستحيل ننفصل…

رديت بشوق كل السنين…
وفى لحظة…وقفت الزمن…
صوته كان مليان أنين…
قالى أنا دفعت التمن…

تمن دموعك كات جراحى…
من واحدة غيرك شيلتها..
فى نن عينى وفى براحى…
فخرجتنى من قلبها..

ملقتش ليا الا حضنك..
أدارى جواه الوجع…
أنا دايما اطمن بقربك..
وبلاقى عندك الدوا…

وسألنى عن سبب سكاتى…
رديت وعينى مدمعة…
أنا كنت بدعيلك يوماتى…
وعرفت لية ربى مقبلش الدعا…….

‪#‎sara_shalby‬