اضحك بس في وش الدنيا

Ahmed hassan 25 أغسطس 2015 | 12:31 ص شعر عامي 847

ليه دايما شايفك مخنوق
خطوه بخطوه
يكمل بكره
بإيديك تقدر تطلع فوق
صحصح بس معايا وفوق
مش مطلوب منك غير انك
تضحك بس في وش الدنيا
والدنيا كمان راح تضحكلك
والصوره هتوضح وتروق
ليه دايما تفكيرك سلبي
تفكيرك محصور في ازازه
خايف من نفسك من حلمك
والخوف اصلا ملهوش عازه
وطريق الاحلام محتاج
واحد ايزي
ومعلق على وشه سمايل
عايش ومقضيها لذاذه
عارف انه هيوصل لازم
ياما في الدنيا هيتكعبل
مش محتاجه يكشر دايما
رغم انه ظروفه بتستهبل
عنده عزيمه
دايما رافض اي هزيمه
عايز يوصل يوم احلامه
اوقات ممكن يبقى كريزي
علشان يفرح
حد بيعرف يصنع ضحكه
علشان بتهون ايامه