Generic selectors
عرض النتائج المتطابقة فقط
بحث في عناوين الكتب
بحث في المحتوى
Search in posts
Search in pages
بشويش يا موج للشاعر أحمد حسن
  • بشويش يا موج للشاعر أحمد حسن

 

يا ام الشباك شابكه
في جثتي وحلمي
كان نفسي اجيب شبكه
كان وعد مني لحد وزمانه مستني
اخر سلام لامي كانت بتبكي كتير
اسف عشان همشي ومتقلقيش خالص هوصل وهعمل قرش
هاكل كتير خالص
دانا حتى هعمل كرش
هرجع وهتجوز وهجيب كمان احفاد
بس انتي سكي الباب ومتقلقيش راجع
كان الكلام خارج والروح كانت حاسه
ان الرحيل غالب كل الضلوع كابسه على نَفَسي ميت كبسه والنفس

بتحارب في الخنقة بالبسمه
والزيف مداري الخوف
وكأني كنت بشوف موتي في كل مكان
سلمت ع الاركان في شارعنا والدكان على اول الناصيه
وحضنت كل الامكنه حضن الوداع
ورفعت ايدي بالسلام

الليل بيحضن في الوجع والدمع متسرسب من العين المفارقه لكل شئ رغم اني بلعن في البلد علشان بتلعن فيا من اول ميلادي .

لكني بعشق كل ركن وكل حاره وكل بيت وكل كوبري وكل شارع ونورها لما بيبقى والع حتى الرصيف وبرغم اني كنت عايش فيها عامل زي ضيف
لكنها ساكنه الوريد .

بردان برغم ان العرق مالي الجبين يمكن قلق وطبيعي خايف م الغرق ربك يسهل هم قالوا طريق امين دايخ كما السكران وهلكان م التعب كل اما اغمض عين وانام بلاقيني اقوم من غير سبب ، الموج بيضرب فينا من كل اتجاه
بشويش يا موج مش حمل خبط ورزع
كل واحد فينا م الضرب استوى
بشويش يا موج دي النيه مش نية وفاه .

 

#مركب_رشيد

القسم شعر عامي
عدد المشاهدات2٬972

تعليقات الفيس بوك