تفسير أحلام للشاعر محمد حسين

Mohammed Hussain 28 يناير 2016 | 2:08 ص شعر عامي 301

درويش وعنيكي مقامها مقام
محتاجه كتاب تفسير احلام
ضحكتها وعود ولقاها وجود
وهواها كإنه سُنن وفروض
كل مابنساها القلب يعود
والقاني باقيلها ف قلبي كلام
……….
في عنيكي حلال . وحرام وسؤال
وكلام اتقال وكلام لسه
لفتتها خيال وسكونها دلال
بيلف البال زي الرقصه
العقل يدور . في الضحكه بخور
في النظره بحور مالهاش مرسى
في عنيكي الحلم اللي رسمني
في عنيكي الحمل اللي قسمني
في عنيكي حنين بيعشّمني
ويدُوب قلبي ومانتيش حاسه
في عيونك ليل . مليان تفاصيل
وكلامها سكات ولقاها رحيل
القاها تغيب انساها تميل
والقلب عليل وسط القصه
يفتكرك كل مااقول هانسى
…………
في عنيكي عتاب .وسؤال وجواب
ونعيم وعذاب ودموع ساكنه
والقلب يعيش . زي الدراويش
مستني مفيش مهما استنى
يصبح مسحور بعيون من نور
ويبات من نورها بيتحنى
في عنيكي الحلم اللي ناداني
ورماني وجابني وودّاني
بنساكي واحبك من تاني
والقى النسيان مالهوش معنى
عشقك اسرار . والقلب احتار
لاارتاح ولا راح طول المشوار
وف بعدك نار . وف قربك نار
في عنيكي النار زي الجنه
في عيونك كل مابتمنى