سرقانا – عزة البياع

عزة البياع 13 يناير 2016 | 4:58 م شعر عامي 647

على كل لون يادنيا
وجعانا
ماتقولى طيب ليه
عامله كده
معانا
نفسى تسيبينا فبوم
نعيش على
هوانا
من غير مانحسبها
والسكة
وخدانا
شايلين هموم جبال
والدمعه
سبقانا
والله يادنيا تعبت
والفرحة
زهقانه
بتقول امتى حنور
وشك يا
مولانا
حفظت شكل الوش
وملامحه
بهتانه
وزهقت اقول معلش
وليه مش
سمعانا
واصبر واقول بكره
الحزن
ينسانا
نضحك ومانفكرش
فالدنيا اللى
سرقانا