قالوها زمان للشاعر محمد جلال

mohamed galal 23 مارس 2016 | 3:59 ص شعر عامي 1٬234

قالوها زمان
مسير الحي يتلاقى
وما دمت انا حي
مسيرنا في يوم هنتلاقى
واتكلم
وتتكلم
ونتكلم
وهاحكيلك
ازاي في البعد بتألم
طب فاكر لما كنت بتسلم؟
واول مره اشوفك فين؟
واخر ضحكة ع الخدين؟
حاجاتك لسه في مكانها
بقالها سنين
ماخدش العمر منك حاجه
ولا ادالك
ولا سابني كده في حالي
ولا سابك
وطال الوقت في غيابك
وقفت كتير علي بابك
وكنت استنى بالساعتين
سألت عليك في كل مكان
قالوا من فترة كبيرة مش بيبان
مش فاكر قاعدتنا زمان؟
لساك بتروح ولا نسيت العنوان
علي فكرة
انا مسافر كمان يومين
ماتسألنيش هروح علي فين
ولو فاتوا حتى سنين
مسير الحي يتلاقى
ومسيرنا في يوم هنتلاقى