مونولوج للشاعر محمد حسين

Mohammed Hussain 15 فبراير 2016 | 4:57 م شعر عامي 751

في الكلام من غير جمل
والحروف من غير شفايف
في اللي كان نفسك يكون لك
بس هوا ماكانش عارف
في اللي قلبك منه خايف
بس عمره مايوم حصل
في اللي باقي واللي فارق
واللي مش فارق وفارق
واللي سابلك لما فارق
جرح عمره مااندمل
في اللي صانك واللي خان
واللي ساب جواك مكان
واللي كنت معاه وهنت
واللي كان وياريت ماكان
حاله مالأفكار تلخبط
حمل فوق المحتمل
في الغرام المستخبي
والغرام المحتمل
والغرام من غير ماتنطق
والغرام من غير أمل
ف حوارات مالهاش نهايه
اسئله مش لاقيه حل
دايره دايره بيك وحايره
بيها عقلك انشغل
تفتكر تقدر تبطّل؟
تفتكر ايه العمل؟
؛
في الحوار بينك وبينك
اللي عمره مااكتمل . . .