هي نازلة ولا طالعة للشاعر أحمد حمور

أحمد مصطفى 23 مارس 2016 | 4:30 ص شعر عامي 989

هي نازلة ولا طالعة للشاعر أحمد حمور

هى نازلة ولا طالعة
ولا واقفة بين بينين
طيب المحروسة خالعة
ولا لابسة ف ميتين
هما اصلا كلمتين
من جدودنا الاولين
اللى ناوية تسيبه قرعة
تاخده ام الشعر زين ؟
واللى هاب ينزل ف ترعة
يركب الموج المهين ؟
حد فاهم حاجة طيب
ولا اوضح حبتين
طب نوضح حبتين
هى نازلة ولا طالعة
يعنى مش ثابتة ف مكان
يعنى مهزوزة الكيان
هى لابسة ولا خالعة
يعنى هتسيب اللى بان
تنهشه عين اللى خان
ولا هتحاول تغطى
جسمها بالعاشقين
اللى لما كات تخطى
يمنعوها تمس طين
هى تملا ف القلل
هما يتصابوا بشلل
هى تسأل عن سبب
هما بيجاوبوا بأدب
انها ملكة زمانها
مهما حد اتهان فهانها
ما تغادرش ف يوم مكانها
ان شتم او قام ضرب
دا احنا من اصل العرب
اللى مهما الحرب سخنت
م نحاولش ف يوم هرب
كلب شافها وهى راجعة
بعد م اقتنعت ب قولهم
راح نبح قوم هى واقعة
حطوا ديلهم بين سنانهم
واختفوا
هى ضحكت م اللى حاصل
بعدها حطت فواصل
هما حاولوا يجولها تانى
لقيوا قطع ف حبل واصل !!!